بتتذكر ...؟
تتذكر وقت الي كِنا صْغار... تتذكر هدِيكْ الإيام ..
وقت الي كانت متعتنا نلعب حد البيت ..
نركض حوالين الشجرة الكبيرة ..
وقت كنا نتخبى ورى خشبة السور
نتخبى من الناطور..
كنا نفكر ماعمَ يشوف ..
يعمل حالو ماشايف شي ..
يركض عنا بعيد ..
ونطلع من ورى السور ونضّحك عليه..
ونحكم عليه يقطف من شجرة تفاح ..
الشجرة الكبيرة يلي حد البيت..
كان يحن علينا ويعمل حالو زعلان ..
ونروح حدّو ونقول ياعمو
ماتزعل الله يخليك ..
لو شو مابدك نعطيك..
يسلم عـ إيدينا ويقول راح يجي بكرة ،
وتتذكروا كيف كنتوا صغار..
بتتذكر هيديك الإيام ...
ينزل جدو ونروح لعندو
نْبوِس إيديه ..
وياخدنا مِشوارْ..
مِشوار بعيد .. واحنا نجري مبسوطين..
نوقف عند ساحة الحمام.. نرمي الحب
ونسمع هديلوا ..ويوقف عـ كتافنا....
تتذكر هديك الأيام ..؟
كِيفْ كانت الأحلام ..!
